ஒருவருக்கொருவர் பிறந்தவர்கள்

கசுனுக்கு 27 வயது. தனது நண்பர்கள் பலரும் திருமணம் செய்து கொண்டு குடும்ப வாழ்க்கையில் settle ஆகிக் கொண்டிருப்பதைப் பார்க்கும்போது, தான் மட்டும் பின்தங்கிவிட்டதாக அவர் உணரத் தொடங்கினார். நல்ல வேலை மற்றும் நிலையான வருமானம் இருந்தபோதிலும், தனிமையில் இருப்பது அவருக்கு மன அழுத்தத்தை ஏற்படுத்தத் தொடங்கியது.

ஒருநாள் Facebook-ஐப் பயன்படுத்திக் கொண்டிருந்தபோது, இலங்கையில் பயன்படுத்தக்கூடிய ஒரு டேட்டிங் செயலியின் விளம்பரத்தை அவர் கண்டார். அதே செயலியின் மூலம் ஒருவர் தனது துணையை கண்டுபிடித்ததாக அவரது நண்பர் ஒருவரும் தெரிவித்தார்.

நம்பிக்கையுடன், கசுன் அந்த செயலியை பதிவிறக்கம் செய்து கணக்கொன்றை உருவாக்கினார்.

விரைவில், தன்னிடம் உண்மையான ஆர்வம் கொண்டிருப்பதாகத் தோன்றிய ஒரு பெண்ணுடன் அவர் உரையாடத் தொடங்கினார். அவர்களது உரையாடல்கள் தொடர்ந்து நடைபெறத் தொடங்கியதால், கசுன் விரைவாக அவருடன் உணர்வுபூர்வமாக நெருக்கமானார்.

ஒருநாள், நேரில் சந்திக்குமாறு அந்தப் பெண் கசுனிடம் கூறினார்.

கசுன் மிகுந்த மகிழ்ச்சியடைந்தார்.

ஆனால் மறுநாள் அனைத்தும் மாறியது.

கசுனின் தனிப்பட்ட புகைப்படங்கள் மற்றும் காணொளிகளுடன், அவரைப் பற்றிய பொய்யான மற்றும் அவதூறான தகவல்களை வெளியிட்டுக் கொண்டிருந்த ஒரு கணக்கை அவரது நண்பர் ஒருவர் அவருக்குக் காட்டினார்.

கசுன் மிகவும் அச்சமடைந்தார். அந்தக் காணொளிகளை அவர் ஒருபோதும் பதிவு செய்ததுமில்லை, பகிர்ந்ததுமில்லை. அப்படியிருக்க அவை இணையத்தில் எவ்வாறு வெளியாகின?

நடந்த சம்பவத்தை தனது நண்பரிடம் தெரிவித்த பின்னர், கசுன் விஷயங்களை ஒன்றோடொன்று தொடர்புபடுத்திப் பார்க்கத் தொடங்கினார். தான் பதிவிறக்கம் செய்த டேட்டிங் செயலியின் மீது அவருக்கு சந்தேகம் ஏற்பட்டது.

அந்தச் செயலிக்கு தனது தொலைபேசியில் உள்ள முக்கியமான தகவல்கள் மற்றும் வசதிகளான கேமரா மற்றும் புகைப்படத் தொகுப்பு (Gallery) போன்றவற்றை அணுகுவதற்கான அனுமதி வழங்கப்பட்டிருந்ததை அவர் கண்டறிந்தார். காதலைக் கண்டுபிடிப்பதற்கான ஒரு வாய்ப்பாகத் தோன்றிய விஷயம், இறுதியில் ஒரு கனவுக்கொடுமையாக மாறியது.

அவரது நண்பர் அவரை Hithawathi இணையதளத்திற்கு வழிநடத்தினார். அங்கு, அனைத்து செயலிகளுக்கும் வழங்கப்பட்டுள்ள அனுமதிகளைப் பரிசீலித்து, தேவையற்ற அணுகல் அனுமதிகளை நீக்கவும், சந்தேகத்திற்கிடமான செயலியை நிறுவல் நீக்கவும், தனது கணக்குகளைப் பாதுகாப்பாக மாற்றவும் கசுனுக்கு ஆலோசனை வழங்கப்பட்டது. மேலும், ஆதாரங்களைப் பாதுகாத்து, காவல்துறையில் முறைப்பாடு செய்யுமாறும் அறிவுறுத்தப்பட்டது.