உங்கள் நினைவுகள் உங்களுடையது மட்டுமல்ல

வைரலான கிப்லி பாணி உருவப்படத்தை நீங்களும் முயற்சித்தீர்களா?

AI(செயற்கை நுண்ணறிவால்)- ஆல் உருவாக்கப்பட்ட கிப்லி பாணி படங்கள் சமூக ஊடகங்களில் வைரலாகி வருகின்றன. மக்கள் திரைப்படக் காட்சிகளையும், குடும்பப் புகைப்படங்களையும் கூட கனவு போன்ற, அனிமேஷன் பாணி படங்களாக மாற்றுகிறார்கள். ஆனால் AI கருவிகளைப் பயன்படுத்தும் போது தனியுரிமை அபாயங்கள் இருக்கலாம் என்று நிபுணர்கள் எச்சரிக்கின்றனர். இது வேடிக்கையாக இருக்கிறது, ஆனால் நமது தனிப்பட்ட தரவு எவ்வாறு பயன்படுத்தப்படுகிறது என்பதில் நாம் கவனமாக இருக்க வேண்டும்.

இதன் பின்னால் உள்ள கண்ணுக்குத் தெரியாத அபாயங்களைப் புறக்கணிக்க வேண்டாம்.

• நீங்கள் AI (செயற்கை நுண்ணறிவு) தளங்களுடன் தனிப்பட்ட புகைப்படங்களைப் பகிர்ந்தவுடன், அவற்றின் மீதான கட்டுப்பாட்டை இழக்க நேரிடும். நீங்கள் எதிர்பார்க்காத வழிகளில் அவை பயன்படுத்தப்படலாம்.
• AI (செயற்கை நுண்ணறிவு) மாதிரிகள், குறிப்பாக பட உருவாக்கத்திற்குப் பயன்படுத்தப்படுபவை, பெரும்பாலும் பெரிய தரவுத்தொகுப்புகளில் பயிற்சி அளிக்கப்படுகின்றன. சில சந்தர்ப்பங்களில், தனிநபர்களின் புகைப்படங்கள் அல்லது உருவப்படங்கள் அவர்களின் ஒப்புதல் இல்லாமல் சேர்க்கப்படலாம்.
• உங்கள் தரவு தனிப்பயனாக்கப்பட்ட விளம்பரங்கள் மூலம் உங்களை குறிவைக்கப் பயன்படுத்தப்படலாம் அல்லது உங்களுக்குத் தெரியாமல் மூன்றாம் தரப்பினருக்கே கூட பகிரப்படலாம் அல்லது விற்கப்படலாம்.
• AI (செயற்கை நுண்ணறிவு) கருவிகளில் படங்கள் அல்லது எண்ணங்களைப் பதிவேற்றுவது மெட்டா தரவு, இருப்பிடத் தரவு மற்றும் பிற முக்கியத் தகவல்களை அம்பலப்படுத்தக்கூடும், இது குழந்தைகளுக்கு மிகவும் ஆபத்தானது.
• இந்தக் கருவிகள் முக அங்கீகாரத் தரவைச் சேகரிக்கக்கூடும், இதனால் உங்கள் அடையாளத்தைத் தவறாகப் பயன்படுத்துதல் அல்லது அங்கீகரிக்கப்படாத முறையில் கண்காணிப்பதற்கான ஆபத்து அதிகரிக்கும்.
• இந்த அமைப்புகள் பயனர் தரவை எவ்வாறு பயன்படுத்துகின்றன, கையாளுகின்றன மற்றும் சேமிக்கின்றன என்பது குறித்து பெரும்பாலும் வெளிப்படைத்தன்மையின்மை காணப்படுகிறது.

எனவே, அடுத்த முறை உங்களுக்குப் பிடித்த AI (செயற்கை நுண்ணறிவு) தளத்தில் கிப்லி படத்திற்காக உள்ளிடும்போது, மேற்கண்ட உண்மைகளை மனதில் கொள்ளுங்கள்.

இது இலவசம் என்றால், நீங்கள் (அதாவது உங்கள் தரவு) தான் அதன் விலை!!!

மூலம்:

https://www.ndtv.com/offbeat/ghibli-art-fun-trend-or-privacy-nightmare-experts-warn-of-risks-involved-8059734
https://economictimes.indiatimes.com/news/new-updates/ghibli-style-ai-images-are-fun-but-is-it-safe-to-upload-personal-photos-heres-what-happens-to-them-once-theyre-uploaded/articleshow/119853302.cms?from=md