கடைசியாக புதுப்பிக்கப்பட்டது மார்ச் 21, 2024

இங்கு குறிப்பிடப்பட்டுள்ள பெயர்களும் இடங்களும் கற்பனையானவை.

வெளிநாட்டில் உயர்கல்வி படிப்பதற்காக பியூமிக்கு கொஞ்சம் பணம் தேவைப்பட்டது. இந்த படிப்பு அங்கீகரிக்கப்பட்ட வெளிநாட்டு கல்வி நிறுவனத்தால் வழங்கப்படுகிறது. ஆனால் நாட்டின் பொருளாதார நிலை காரணமாக நாணய மாற்றத்தில் பிரச்சனை இருந்ததால் டொலர்களை பெற்றுக் கொள்வது மிகவும் கடினமாக இருந்தது. எனவே அவர் தனது நண்பர்களிடம் உதவி கேட்டு அவர் பேஸ்புக்கில் பதிவிட்டடார்.

ஒரு நாள், பியூமிக்கு வாட்ஸ்அப்பில் ஒரு மெசேஜ் வந்தது, தன்னால் ரூபாயை டாலராக மாற்ற முடியும் என்று. பியுமி செய்ய வேண்டியதெல்லாம், அந்த வங்கியில் தேவையான பணத்தை ரூபாயில் டெபாசிட் செய்வதுதான். அவர்களின் பிரதிநிதிகளில் ஒருவர் டாலர் பில்களுடன் ஒரு நாளில் அவளைச் சந்திப்பார் என்று கூறினார். அப்போது, ​​ இதுவே சிறந்த வழி என்று பியூமி நினைத்தார்.

செய்தியை அனுப்பியவரிடம் பியுமி பேசினாள். அவர்கள் ஏபிசி நாணயமாற்று நிறுவனத்தை சேர்ந்தவர்கள் என்று அவர்களின் வாட்ஸ்அப் சுயவிவரம் கூறியது. இதனை மேற்கொள்ள பியுமி அவர்களின் அலுவலகத்திற்கு நேரில் வர வேண்டுமா என்று கேட்டார், ஆனால் அவர்கள் அது தேவையில்லை என்று சொன்னதுடன் விசேட கட்டணமாக ஒரு டொலருக்கு 280 ரூபாய் வழங்கப்படும் என்று அவளிடம் சொன்னார்கள். அதைக் கேட்டு அவள் மிகவும் மகிழ்ச்சியடைந்தாள்.

பியுமி அவர்களின் கணக்கில் முதலில் சுமார் ரூபா 14,000 ஐ வைப்பிலிட்டார். அவர்களது பிரதிநிதிக்காக ஒரு நாளுக்கு மேல் காத்திருந்து வாட்ஸ்அப் செய்தி அனுப்பினார். அதற்கும் அவருக்கு பதில் கிடைக்கவில்லை. இறுதியாக, அவள் அவர்களை அழைக்க முயன்றாள், ஆனால் அவளது எண் அவர்களால் தடுக்கப்பட்டதை உணர்ந்தாள்.

பியுமி மிகவும் வருத்தப்பட்டு நடந்ததை தன் சகோதரரிடம் கூறினாள். ஹிதவதியை அழைக்க அவர் பரிந்துரைத்தார். இதுபோன்ற மோசடிகள் நடக்கின்றன என்று கூறிய ஹிதவதி பியுமிடம் அனைத்தையும் விளக்கியது. வட்ஸ்அப் எண்ணைப் புகாரளிப்பது (மோசடியை நிரூபிக்கும் உரையாடலின் ஸ்கிரீன்ஷாட்களுடன்) மற்றும் டெல்ஐஜிபி மூலமாக (ஆதாரங்களை இணைத்தல்) பொலிசாரிடம் ஒன்லைனில் பதிவுசெய்வது போன்ற தெரிவுகளை பற்றி ஹிதவதி அவளிடம் தெரிவித்தது.

முன்னெச்சரிக்கை குறிப்புகள்:

  • உங்களைத் தொடர்புகொள்ள முயற்சிக்கும் நபர்களின் அடையாளங்களைச் சரிபார்க்கவும்.
  • உண்மையாக இருந்தால் மிகவும் சிறப்பாக தெரியக்கூடியதாக இருக்கும் விஷயங்களில் மிகவும் கவனமாக இருங்கள்.
  • பணத்தை மாற்றுவதற்கு முன், அந்த இடம் மத்திய வங்கியால் அங்கீகரிக்கப்பட்டுள்ளதா என்பதை உறுதிப்படுத்திக் கொள்ளுங்கள்..
  • நீங்கள் ஏதேனும் மோசடிகளை எதிர்கொண்டால், ஆலோசனைக்காக ஹிதவதியை அழைக்கவும், தற்போதைய மோசடிகள் குறித்து தொடர்ந்து அறியவும். (https://www.hithawathi.lk/help-centre/real-time-cases/#Scam).
  • சட்ட உதவியைப் பெற, சம்பந்தப்பட்ட பொலிஸ் நிலையத்திற்குச் சென்று முறைப்பாட்டினை பதிவு செய்யவும் அல்லது TELL IGP மூலம் ஒன்லைனில் புகார் செய்யவும்.