අවසන් වරට යාවත්කාලීන කලේ 2025/11/19
මෙහි එන නම් ගම් සියල්ල මනඃකල්පිතයි.
වේලාව රාත්‍රී 10.20 ට වගේ අම්මා කුස්සියේ නිදාගන්න කලින් තේ හදමින් හිටියා.
ඇගේ ජංගම දුරකථනය නාද වුණා.
ෆෝන් එකේ තිරයේ පෙන්නුවේ නොදන්නා අංකයක්.
ඇය එය ගණන් නොගෙන සිටීමට උත්සහ කළත් පසුව ඇය එයට පිළිතුරු දුන්නා.
“අම්මේ… මේ මම… පුතා, පුතා” දුරකථනයේ එහා පැත්තේ හිටිය කෙනා කිව්වා.
ඒක ඇත්තටම ඇගේ පුතාගේ කටහඬ වගේමයි.
ඔහු කතා කරන විදිහමයි.
“ඇයි ඔයා මේ වෙන නොම්මරේකින් කතා කරන්නේ?” ඇය ඇසුවා.
“අම්මේ, අහන්න… මම එළියේ ඉන්නේ… මට හදිස්සියේ සල්ලි වගයක් ඕනේ. දැන්ම රු. 50,000ක් එවන්න. කාටවත් කියන්න එපා. මම ඔයාට සල්ලි දාන්න ඕන බැංකු ගිණුමේ අංකය එවන්නම්.”
අම්මා බය වුණා.
“මොකද වුණේ? පුතා ඔයාට කරදරයක්ද?” ඇය ඇසුවා.
“පැහැදිලි කරන්න වෙලාවක් නෑ! දැන් සල්ලි එවන්නකො අනේ! ” ඔහු තදින් කිව්වා.
ඇගේ දෑත් වෙව්ලන්නට පටන් ගත්තා.
නමුත් ඇය මොහොතක් කල්පනා කළා.
මොකක්හරි අමුත්තක් තියෙනවා මෙතන.
ඇගේ පුතා කවදාවත් මෙතරම් වේගයෙන් කතා කරන්නේ නැහැ.
ඔහු කවදාවත් ඇයගෙන් දේවල් හංගන්නෙත් නැහැ.
ඒ නිසා ඇය මුදල් යවන්න හදිස්සි වුණේ නෑ.
ඒ වෙනුවට, ඇය ඔහුගේ සුපුරුදු දුරකථන අංකයට කතා කළා.
තත්පර 2 කට පසු, ඇයගේ පුතා ඒක ආන්සර් කළා.
“අම්මා? ඇයි ඔයා මෙච්චර රෑ වෙලා කතා කරන්නේ? මම පරිස්සමට ගෙදර ඉන්නවා.”
ඇයගේ හදවත වේගයෙන් ගැහුණා.
කලින් ඇමතුම ඇගේ පුතාගෙන් නෙවෙයි.
එය AI වලින් නිර්මාණය කළ හඬ අනුකරණයක්, ඒ ඇමතුම ලැබුණේ ඇයගේ පුතාගේ හඬ කොපි කරමින් මුදල් වංචා කරන වංචාකාරයෙක්ගෙන්.
අම්මා වහාම නොදන්නා අංකය බ්ලොක් කර ඇගේ පවුලේ අයට මේ පිළිබඳව දැනුම් දුන්නා..
එදින රාත්‍රියේදී ඇයට පැහැදිලිව තේරුම් ගියා.