ලක් වසම් ලේකඛාධිකාරය (LK Domain Registry)

ලක් වසම් ලේඛකාධිකාරය ස්ථාපිත කරන ලද්දේ 1990 වසරේ දීය. ආරම්භයේ පටන්ම එම ආයතනයේ ප්‍රධාන කර්තව්‍යයක් ලෙස වසම් (domain) ලියාපදිංචි කිරීමේ සේවාව ලබා දීම පමණක් නොව, ශ්‍රී ලංකාවේ අන්තර්ජාලය හා ඒ ආශ්‍රිත සේවා වැඩිදියුණු කිරීමට, අන්තර්ජාල යටිතල පහසුකම් සංවර්ධනය කිරීම සඳහා පහසුකම් සැලසීම යන සේවා ලබාදී ඇත. ලක් වසම් ලේකඛාධිකාරය, ශ්‍රී ලංකාවේ “.lk” වලින් අවසන් වන වෙබ් ලිපිනයන් සඳහා ඇති පරිපාලක ආයතනයවේ. ලංකාවේ ජාතික මට්ටමේ ඩොමේන් නාමය ලෙස, “.lk” වසම මගින් ශ්‍රී ලංකාවේ සංවිධාන සහ පුද්ගලයන් අන්තර්ජාලය තුළ ඔවුන්ගේ අද්විතීය වෙළඳ නාම අනන්‍යතාවය සපයයි. ඉංග්‍රීසි වලට අමතරව, සිංහල හා දෙමළ භාෂාවෙන් ද ඩොමේන් නාම ලියාපදිංචි කළ හැකිය. ලක් වසම් ලේඛකාධිකාරයේ ප්‍රධාන විධායක නිලධාරී මහාචාර්ය ගිහාන් ඩයස් මහතා ඇතුළු කාර්ය මණ්ඩලය වෙත විශේෂ ස්තූතිය පිරිනැමේ. www.nic.lk

ශ්‍රී ලංකා පරිගණක හදිසි ප්‍රතිචාර සංසදය | සම්බන්ධීකරණ මධ්‍යස්ථානය (Sri Lanka CERT | CC)

ශ්‍රී ලංකා පරිගණක හදිසි ප්‍රතිචාර සංසදය | සම්බන්ධීකරණ මධ්‍යස්ථානය වූ කලී පරිගණක පද්ධති සහ ජාලවල ආරක්ෂාවට (network) බලපාන නවතම තර්ජන සහ අවදානම් පිළිබඳ උපදෙස් සපයන සහ සයිබර් ප්‍රහාරයන්ට ප්‍රතිචාර දැක්වීම සහ නැවත ඒවා යථා තත්ත්වයට පත් කිරීම සඳහා ජාතික සහ සාමාජික සංවිධාන වලට සහාය වන විශේෂඥයන්ගෙන් සැදුම් ලත් ආයතනයවේ. මෙම ආයතනය 2006 ජුනි මාසයේදී ආරම්භකරන ලද අතර එය පුද්ගලික සීමිත වගකීම් සහිත සමාගමක් ලෙස ලියාපදිංචි කර ඇත. 2018 වසරේ අගෝස්තු මස සිට එය සෘජුවම විදුලි සංදේශන ඩිජිටල් යටිතල පහසුකම් සහ විදේශ රැකියා අමාත්‍යාංශය යටතේ පාලනයවේ. ශ්‍රී ලංකා පරිගණක හදිසි ප්‍රතිචාර සංසදයේ ප්‍රධාන විධායක නිලධාරි ලාල් ඩයස් මහතා සහ කාර්ය මණ්ඩලයට විශේෂ ස්තුතිය පිරිනැමේ. www.slcert.gov.lk

ටෙක්සර්ට් (TechCERT)

TechCERT is the first and the largest Computer Emergency Readiness Team ලක් වසම් ලේකඛාධිකාරය පුරෝගාමීව මොරටුව විශ්ව විද්‍යාලයේ පරිගණක විද්‍යාව හා ඉංජිනේරු විද්‍යා අධ්‍යන අංශයේ අධ්‍යන කාර්ය මණ්ඩල සාමාජිකයන්ගේ ඒකාබද්ධ ව්‍යාපෘතියක් වන මෙය ශ්‍රී ලංකාවේ ප්‍රථම පරිගණක හදිසි ප්‍රතිචාර සංසදය (CERT) මෙන්ම ශ්‍රී ලංකාවේ ශක්තිමත් තොරතුරු තාක්ෂණ ආරක්ෂක සහ ඉංජිනේරු උපදේශන සමාගමක් බවට පත් වී තිබේ. TechCERT කණ්ඩායම සඳහා විශේෂ ස්තුතිය පිරිනැමේ. www.techcert.lk

ලංකාදීප පුවත්පත සහ ශ්‍රී ලංකා පරිගණක හදිසි ප්‍රතිචාර සංසදය

ලංකාදීප පුවත්පතේ “රසවිත” විශේෂාංගයේ පලවූ ලිපි පෙලක් හිතවතිය හරහා ඔබ සැමට බෙදා හදාගන්න කටයුතු කළා. “අන්තර්ජාලයෙන් ජීවිතය වරද්දාගත් යුවතියෝ” මැයෙන් ලංකාදීප පුවත්පතට කුමාරි හේරත් පත්‍රකලාවේදිනිය සහ , ශ්‍රී ලංකා පරිගණක හදිසි ප්‍රතිචාර සංසදයේ (Sri Lanka CERT|CC) රොෂාන් චන්ද්‍රගුප්ත මහතා විසින් සම්පාදිත මෙම ලිපි පෙල ඔවුන් ගේ සහ එම ආයතනයන්ගේ දැනුමැතිව පළ කරමු. මෙම ලිපි පෙල පළ කිරීම සඳහා නන් අයුරින් උදව් කළ කුමාරි හේරත් මහත්මිය ඇතුලු ලංකාදීප කාර්යමණ්ඩලයට, රොෂාන් චන්ද්‍රගුප්ත මහතා ඇතුලු ශ්‍රී ලංකා පරිගණක හදිසි ප්‍රතිචාර සංසදයේ නිලධාරීන්ට, ශ්‍රී ලංකා ලක් වසම් අධිකාරියේ (LK Domain Registry) සහ අන්තර්ජාල සමාජයේ (Internet Society Sri Lanka Chapter) සාමාජිකයන්ට හිතවතියගේ ලබැඳි ස්තුතිය මෙසේ පිරිනැමෙයි!

www.newsfirst.lk

www.newsfirst.lk වෙබ් අඩවිය මගින් පල කරන ලද ලිපි කීපයක් ඔබේ දැනුම සඳහා මෙම වෙබ් අඩවියේ පල කරමු. එම ලිපි පල කිරීමට අවශ්‍ය සහයෝගය ලබාදුන් සිරස මාධ්‍ය ජාලයේ නිලධාරීන්ට හිතවතියගේ ගෞරව පූර්ව ස්තුතිය.

ශ්‍රී ලංකා පොලීසිය

ලංකාවේ නීතිය ක්‍රියාත්මක කිරීමේ ආයතනයන් අතුරින් ප්‍රමුඛස්ථානය ගන්නා ශ්‍රී ලංකා පොලීසියේ තොරතුරු තාක්ෂණ කොට්ඨාසයේ (මහනුවර ඒකකය) හා ළමා හා කාන්තා කාර්යංශයේ (කොළඹ) සහය හිතවතී වෙත ලැබීම ඉතා අගය කොට සලකන අතර එම නිළධාරීන් / නිළධාරිනියන් වෙත ගෞරවනීය ස්තූතිය පිරිනැමේ. www.police.lk

සුමිත්‍රයෝ

හිතවතී වෙත එන සියදිවි නසා ගැනීම් වලට පෙළඹීමට ඉඩ ඇති අය ඇතුළුව, ආතතිය, කළකිරීමෙන් සිටින හෝ බලාපොරොත්තු සුන්වීම් වැනි ඛේදනීය තත්ත්වයන්ට මුහුණ දෙන පුද්ගලයින්ට අවශ්‍ය වෙන මානසික සහනය අදාල පුද්ගලයන්ගේ සහ තොරතුරු වල රහස්‍යභාවය රකිමින් නොමිලේ සේවයක් ලෙස ලබා දීමට අප සමඟ අත් වැල් බැඳගත් සුමිත්‍රයෝ කාර්ය මණ්ඩලයට මේ හරහා විශේෂ ස්තූතිය පිරිනැමේ. https://sumithrayo.org/

Happy Life

ශ්‍රී ලංකා පවුල් සංවිධාන සංගමය, ලිංගික හා ප්‍රජනක සෞඛ්‍ය සම්බන්ධ අවබෝධය ලබාදිමටත් ඒ සඳහා වෛද්‍ය සහ උපදේශන සේවා ලබාදිමටත් ප්‍රමුඛතම කාර්යභාරයකට දායකවන ස්වේච්ඡා සංවිධානයක් ලෙස අවශ්‍ය විටක හිතවතී සේවාදායකයන් හට (සයිබර් අවකාශය සම්බන්ධ ගැටලු සඳහා සෘජුවම අදාළ නොවුවද) එම සේවය ලබා දීම පිළබඳව හිතවතී කෘතඥතාවය පළ කෙරේ. http://www.fpasrilanka.org

Facebook India Online Services Pvt Ltd

2004 දී ආරම්භ කරන ලද ෆේස්බුක් හි මෙහෙවර වන්නේ ප්‍රජාව ගොඩනැගීමට සහ ඔවුන් වෙත ලෝකය සමීප කරවීමට මිනිසුන්ට හැකියාව ලබා දීමයි. මිතුරන් සහ පවුලේ අය සමඟ සම්බන්ධව සිටීමට, ලෝකයේ සිදුවෙමින් පවතින දේ සොයා ගැනීමට සහ ඔවුන්ට වැදගත් දේ බෙදා ගැනීමට සහ ප්‍රකාශ කිරීමට මිනිසුන් ෆේස්බුක් භාවිතා කරයි. www.facebook.com

ChildSafeNet (චයිල්ඩ් සේෆ් නෙට්)

චයිල්ඩ් සේෆ් නෙට්’ යනු ළමයින්ට සහ තරුණයින්ට, ඩිජිටල් තාක්‍ෂණය සුරක්ෂිත කිරීම සඳහා වූ මෙහෙවරක් ඉටු කරන රාජ්‍ය නොවන සංවිධානයකි. අන්තර්ජාලයට ඇබ්බැහි වීම, ඔන්ලයින් ලිංගික අපයෝජනය සහ සූරාකෑම, සයිබර් හිරිහැර කිරීම, ෆිෂිං ප්‍රහාර, සූදුවට / ක්‍රීඩාවට (gaming) ඇබ්බැහි වීම යනාදියෙන් ළමයින් සහ තරුණයින් බේරා ගැනීමට අන්තර්ජාලය සහ ඩිජිටල් උපාංග ආරක්ෂිතව භාවිතා කිරීම පිළිබඳව දැනුවත් කිරීම සහ ඩිජිටල් සාක්ෂරතාවය ප්‍රවර්ධනය කිරීම සඳහා මෙම ආයතනය කටයුතු කරයි. www.childsafenet.org

යෙහෙළි (Yeheli.lk / Thozhi.lk)

Yeheli.lk / Thozhi.lk යනු ශ්‍රී ලංකාවේ කාන්තාවන්ගේ සෞඛ්‍යය හා යහපැවැත්ම නංවාලීම සඳහා කැපවී සිටින ප්‍රමුඛ පෙළේ ඩිජිටල් වේදිකාවකි. මෙය නිර්නාමිකව ගැටලු යොමු කළ හැකි, භාෂා තුනෙන්ම එහි පරිශීලකයින්ට නොමිලේ විශේෂඥ උපදෙස් සමඟ සම්බන්ධ කරන වෙබ් අඩවියකි. එය ස්මාර්ට් දුරකථන යෙදුමක් (ඇප් එකක්) ලෙසද ලබා ගත හැකිය. මෙම සේවාව හරහා නව මුහුණුවරකින් ලාංකික තරුණ තරුණියන් හට විශේෂඥ උපදෙස් ලබා ගැනීමට ඉඩ සලසයි. යෙහෙලි වෙත ඉදිරිපත් කරන ගැටලු සඳහා විෂය කරුණු පිළිබඳ විශේෂඥයින් ඩිජිටල් අයුරින් සම්බන්ධ කරයි. අපයෝජනය, ලිංගික සෞඛ්‍යය, උපත් පාලන ක්‍රම, සබඳතා ගැටළු, ගෘහස්ථ හිංසනය යනාදිය වැනි පවුලේ හා සම වයසේ මිතුරන් සමඟ සාකච්ඡා කළ නොහැකි තරම් සංවේදී මාතෘකා රාශියක් ගැන ඉගෙන ගැනීමට සහ සාකච්ඡා කිරීමට මෙම සේවාව ආරක්ෂිත සහ විශ්වාසදායක අවකාශයක් නිර්මාණය කරයි. www.yeheli.lk

අතීතයේ අපට උදව් වූවන්

අන්තර්ජාල සංගමය-ශ්‍රී ලංකා පරිච්ඡේදය (ISOC-LK)

ජාත්‍යන්තර අන්තර්ජාල ප්‍රජාව දේශීය වශයෙන් නියෝජනය කරමින් අන්තර්ජාලය ආශ්‍රිත සේවා වැඩිදියුණු කිරීම, ප්‍රචලිත කිරීම අන්තර්ජාල සංගමයේ ශ්‍රී ලංකා පරිච්ඡේදයේ අරමුණ වේ. ඒ අතර දේශීය ගැටළු සහ සංවර්ධනයන් මෙන්ම අන්තර්ජාලය තුල දේශීය භාෂා භාවිතය පිළිබඳ අවධානය යොමු කරනු ලැබේ. නවෝත්පාදනයන් දිරිමත් කිරීම, දැනුවත් කිරීමේ වැඩසටහන් සංවිධානය කිරීම සහ ශ්‍රී ලංකාවේ වඩා ආරක්ෂිත අන්තර්ජාල භාවිතය ප්‍රචලිත කිරීම මෙහි ප්‍රධාන ක්‍රියාකාරකම් වේ. ISOC-LK හි හිටපු සභාපතිනිය සාගරිකා වික්‍රමසේකර මෙනවිය ඇතුළු සියලුම නිලධාරී මණ්ඩලය වෙත විශේෂ ස්තූතිය පිරිනැමේ. www.isoc.lk